Marta González destacou a importancia que o CIM ten para as mulleres, especialmente en áreas como a violencia de xénero e a formación, e celebrou que o Concello de Muros se sumase no 2010 á rede de Centros de Información das Mulleres de Galicia.

O curso de "Animadora de Centros Xerontolóxicos" tivo unha duración de 100 horas,  e nel participaron 21 mulleres, de entre 25 e 45 anos, en desemprego e con cargas familiares, que fixeron 40 horas de prácticas na Residencia Mirador de Compostela.

A secretaria xeral da Igualdade, lembrou que "nestes momentos de crise económica a falta de emprego é un problema para toda a poboación, pero especialmente para as mulleres", por iso, dixo, "a realización de cursos coma este pode ser unha oportunidade máis para encontrar un emprego”, xa que a xeriatría e a xerontoloxía son áreas nas que existe unha maior demanda de emprego; por iso felicitouse de que algunhas delas xa estén traballando en empregos relacionados coas materias do curso e desexoulles ás demáis a mellor das sortes para atopar un emprego".

Durante o curso as mulleres aprenderon a tratar con anciáns e con persoas dependentes, recursos de animación, xogos, traballos en grupo, e especialmente realizaron proxectos e actividades relacionados coa xerontoloxía.